Njohja Ndërkombëtare e Programit të Specializimit nga

Mjekësia Familjare në Kosovë

Më 2001 the Royal College of General Practitioners (RCGP)[1] vlerësoi vitin e parë të programit “të përshpejtuar” të specializimit nga Mjekësia Familjare dhe i prezantoi rekomandimet për përmirësime.  Ekipi i njejtë i specialistëve të RCGP u kthyen në Kosovë me ftesë të HLSP-së më 2003.  Pas një procesi të vlerësimit rigoroz dhe një numri të vogël të rekomandimeve, ekipi akreditues i RCGP-së  rekomandoi akreditimin ndërkombëtar të këtij programi 2 vjeçarë.  Kjo si pasojë është përvetësuar nga Bordi Ndërkombëtar i RCGP.

Vizitorët nga RCGP rekomanduan kontakte të vazhdueshme me RCGP(UK) (Presidenti i atëhershëm i Asociacionit të Mjekëve Familjarë të Kosovës [AMFK] Dr. Arben Cami më 2001 u takua me Presidentin e RCGP, Dame Leslie Southgate në qendrën e RCGP në Londër).  Gjithashtu, ata rekomanduan që me fillimin e programit 3 vjeçarë të specializimit nga Mjekësia Familjare, do të duhej të ekzistonte një lëvizje për zhvillimin e procesit të akreditimit për MRCGP(INT).

Progresi dhe zhvillimi i AMFK-së dhe ndikimi pozitiv i tij në zhvillimin e Mjekësisë Familjare, gjithashtu ishin të dukshme.

Kolegji Mbretëor është i impresionuar me progresin e vrullshëm të bërë nga të gjithë gjatë dizajnimit, implementimit, ofrimit, vlerësimit dhe rafinimit bashkohorë të Mjekësisë Familjare nga të gjithë të përfshirët.

Hapi pasues natyrisht është lëvizja drejtë MRCGP(INT).  Ky kualifikim do të ishte shtesë e kualifikimit lokal dhe përveç njohjes ndërkombëtare të kursit dhe të vlerësimit, gjithashtu ofron anëtarësimin në RCGP me qasje në zhvillimet e saj akademike, klinike, edukative, hulumtuese dhe të sigurimit të cilësisë.

Kolegji Mbretëror do t’a dërgojë në Prishtinë një Këshilltarë për Zhvillim Ndërkombëtar, në maj 2004, për të këshilluar mbi zhvillimet e më tutjeshme që do të shpiejnë deri te MRCGP(INT).

RN Hedley