Fjalorthi

Politika administrative:

Deklaratë e pritjeve të shkruara nga menaxhmenti i një institucioni, e  dizajnuar për të ndikuar dhe përcaktuar vendimet dhe veprimet.

 

Algoritmi:

Strategji të rekomanduara për menaxhimin e pacientëve, të dizajnuara për të drejtuar vendimmarrjen, si p.sh. diagram rrjedhës i strukturës, trung vendindimesh apo tabelë vendimesh.  Shpesh algoritmet shfrytëzohen aty ku kërkohet vendim i shpejtë, si p.sh. në departamentin e emergjencës.

 

Shtegu klinik:

Mjet për menaxhimin e kujdesit për pacientë i cili organizon, sekuencon dhe rregullon kohën e intervenimeve për personelin infermierik, mjekët dhe departamentet tjera për lloj të caktuar të rastit (p.sh: lindja normale), për ndonjë pasojë (p.sh: histerektomia) apo për ndonjë gjendje (p.sh: dështimi i ndërpejrjes së gjirit) (Zander 1997).  Sinonimet: shtegu gritik, harta e kujdesit.

 

Udhërrëfyesi i praktikës klinike: 

Një komplet i deklarateve të zhvilluara sitematikisht, zakonisht të bazuara në dëshmi shkencore, për të ndihmuar mjekët dhe pacientët në vendimmarrje lidhur me kujdesin adekuat shëndetësor për rrethana specifike klinike (Field dhe Lohr 1992).  Sinonimet: udhërrëfyes të praktikës, udhërrëfyes, parametra të praktikës.

 

Të hyrat: 

Resurset e nevojshme nga një organizatë për të ofruar një shërbim.  Të hyrat e nevojshme në kujdesin shëndetësor zakonisht janë financiare, strukturat fizike si p.sh: ndërtesat, furnizimet dhe pajisjet, personeli dhe më me rëndësi, klientët.  Sinonim: standardet e strukturës.

 

Përshkrimi i vendit të punës: 

Një dokument që kufizon rolet dhe përgjegjësitë e një pozite të caktuar.  Qëllimi i pozitës si edhe kualifikimet e kërkuara për pozitën janë zakonisht të përfshira këtu.

 

Përfundimet: 

Efekti që vjen prej performancës (apo mos-performancës) së një apo më shumë proceseve apo aktiviteteve të kryera nga ofruesit e kujdesit shëndetësor.

 

Procedurat: 

Udhëzime hap-pas-hapi se si të kryhet një detyrë bazuar në njohuritë teknike dhe teorike. (Marker)

 

Procesi: 

Një seri e aktiviteteve dhe detyrave të planifikuara të cilat i shfrytëzojnë të hyrat për të prodhuar prodhimin apo përfundimin e dëshiruar.

 

Protokolli: 

Një plan, apo një komplet hapash, që duhet përcjellur në një studim, një hulumtim apo një intervenim, si p.sh: për menaxhimin e një gjendjeje specifike të pacienti (p.sh: kujdesi për një pacient me diare).

 

Kualifikimet: 

Karakteristikat si p.sh: edukimi, prapavija dhe përvoja të cilën personi e sjell në një pozitë apo detyrë specifike.

 

Rregullat dhe rregulloret: 

Një komplet i një apo më shumë deklaratave apo orientimeve (udhëzimeve) të cilat specifikojnë vendimet dhe veprimet që duhet përcjellur gjithnjë.  Zakonisht ato përfshijnë ndonjë denim, nëse nuk veprohet asi soji.

 

Specifikimet: 

Një deklaratë eksplicite e karakteristikave të kërkuara të një të hyreje të shfrytëzuar në sistemin e kujdesit shëndetësor.  Parakushtet zakonisht janë të ndërlidhura me furnizimet, pajisjet dhe strukturat fizike të shfrytëzuara për ofrimin e shërbimeve shëndetësore.

 

Standardi: 

Një deklaratë eksplicite e cilësisë së pritur.

 

Procedurat e veprimit standard: 

Hap kronologjik për t’u përcjellur dhe vendimet që duhet marrur gjatë kryerjes së një detyre apo funksioni.  Sinonim:  procedurë menaxhuese.